AmakuruImikino

Etincelles FC yeretse Rayon Sports ko itari agafu k’ivugwarimwe

Ikipe ya Etincelles FC yatsinze Rayon Sports igitego 1-0 mu mukino wa gicuti wateguwe na Rayon Sports wabereye kuri Stade Umuganda i Rubavu kuri uyu wa Gatandatu.

 

Uyu ni umwe mu mikino ya gicuti iri gukinwa na Rayon Sports ya Rayon Week itegura Umunsi w’Igikundiro izasozwa ikinnye na Young Africans SC ku wa Gatanu, tariki ya 15 Kanama 2025, muri Sitade Amahoro.

 

Iki gitego cyaturutse ku ikosa ryakozwe ku munota wa 40, aho Ntarindwa Aimable yakoreye ikosa Niyonkuru Sadjati umusifuzi atanga coup franc yatewe na Ndonga Bivula Gédeon umupira uboneza mu izamu.

 

Mu gice cya kabiri nta bitangaje byabayemo bituma umukino urangira Etincelles FC itsinze Rayon Sports igitego 1-0 uba umukino wa mbere Rayon Sports itsinzwe muri itatu yakinnye muri Rayon Week.

 

Umukino wa mbere, Rayon Sports yatsinze Gasogi United ibitego 2-0 i Nyanza, ku wa Gatatu nabwo yatsinze Gorilla FC igitego 1-0.

Leave a Reply

Your email address will not be published. Required fields are marked *

Back to top button