Intambara ihanganishije Israel n’Umutwe wa Hamas muri Gaza ikomeje guca ibintu ndetse n’umubare w’abo imaze guhitana umaze kugera ku bantu ibihumbi 60 n’uwabatari bake bari mu buhungiro.
Nyuma yo gutanga agahenge ku wa 28 Nyakanga 2025, kugira ngo abari muri Gaza bagezweho ubutabazi, Israel yongeye gukaza ibitero ndetse mu ijoro rishyira kuri uyu wa 29 abantu bagera kuri 92 bahasize ubuzima biganjemo abo muri muri Nuseirat.
Iyi ntambara yatangiye ku wa 7 Ukwakira 2023, kubera igitero gikomeye cyagabwe kuri Israel n’umutwe wa Hamas gihitana abantu 1200 mu gihe abandi 250 bashimuswe.
Israel ivuga ko yakwemera guhagarika imirwano mu gihe Hamas yarambika intwaro hasi, igahagarika ibikorwa bya politike n’ibya gisirikare ku buryo idakomeza kuba ikibazo ku mutekano wa Israel.
