Abantu 26 bo mu Gihugu cya Kenya bari bavuye gushyingura mu gace ka Nyahera mu karere ka Kisumu, baguye mu mpanuka y’imodoka abandi 19 barakomereka bikabije.
Ibi byabaye ku gicamunsi cyo kuri uyu wa 8 Kanama 2025 ubwo bisi yari ibatwaye yageraga mu masangano y’umuhanda munini wa Kisumu-Kakamega ikarenga umuhanda abari bayirimo 26 bahasiga ubuzima naho 19 barakomereka nk’uko byemejwe na Minisiteri y’Ubuzima.
Abakomeretse bajyanywe kuvurirwa mu bitaro byitiriwe Jaramogi Oginga Odinga, aho bamwe muri bo bakeneye gusimburizwa ingingo z’umubiri, kubagwa ndetse no kongererwa amaraso.
Perezida William Ruto yihanganishije imiryango yabuze abayo n’abakomeretse, asaba inzego zibishinzwe gukurikirana abitwara nabi bagateza impanuka.
