Ubuyobozi bw’igisirikare cya Amerika y’Epfo cyatangaje ko hari gukorwa iperereza ryimbitse kucyari kigiye gutera kugongana hagati y’indege ya gisirikare n’iya Sosiyeti itwara abagenzi ya JetBlue
Iyi mpanuka yari igiye kubera hafi y’ikirere cya Venezuela ariko Imana ikinga ukuboko.
Iyi ndege ya JetBlue yahagaritse kuzamuka kwayo mu rwego rwo kwirinda kugongana n’iyo ya Gisirikare zari zigiye guhurira hamwe mu kirere kimwe.
Intera nyakuri yari iri hagati y’izo ndege zombi ntiramenyekana, kuko igikoresho kizwi nka ‘transponder’ cy’iyo ndege ya gisirikare y’Amerika – cyohereza amakuru y’aho indege iherereye kiyaha abagenzuzi bazo kuko kitari gicanye.
Umupilote wari w’iyi ndege ya JetBlue ati: “Twabonye indi ndege itunyuraho imbere mu ntera ya kilometero umunani ariko yari indege ya Leta Zunze Ubumwe.”
Ibi bibaye nyuma y’aho mu kwezi gushize, ikigo gishinzwe ingendo z’indege za gisivile z’Amerika (FAA) kiburiye indege zo muri Amerika kizishishikariza “kwitwararika cyane” mu gihe ziri mu kirere cya Venezuela, “kubera uko umutekano ugenda urushaho kuzamba ndetse n’ubwiyongere bw’ibikorwa bya gisirikare muri Venezuela no mu nkengero zayo”.
